Պատվիրատույի պահանջներին համապատասխան իրականացվել է ավելի քան 800 աշխատատեղ ապահովելու համար անհրաժեշտ տեղեկատվական ցանցի հայեցակարգի և նախագծի մշակում, որի շրջանակներում 4 հարկում ծավալվել է ավելի քան 1600 կցատեղ ունեցող տեղեկատվական ցանց:

Տվյալ տեղեկատվական ցանցի մագիստրալային կապուղի էր հանդիսանում օպտիկա մանրաթելային համակարգը՝ 40 գիգաբիթ թողունակությամբ, որը միավորում էր 4 հարկերից յուրաքանչյուրում տեղադրված մեկական կոմուտացիոն հանգույց:

Կոմուտացիոն հանգույցը ապահոված է հովացման համակարգով և անխափան կենտրոնացված էլեկտրոսնուցման համակարգով:

Նախագծի շրջանակներում իրականացվել է մալուխային բաց մալուխատարների բաց մոնտաժ, որի շրջանակներում տվյալ մալուխատարները հանդիսանում են նաև տվյալ օբեկտի ինտերիերի դիզայնի էլեմենտներ:

Մալուխատարները փոշեներկվել են և մոնտաժվել են համապատասխան 3 մակարդակով. յուրաքանչյուր մակարդակում տեղադրվել են՝

1. Առաջինում՝ տեղեկատվական ցանցը,
2. Երկրորդում՝ անվտանգության համակարգի մալուխները,
3. Երրորդում՝ սեղանների և աշխատատեղերի էլեկտրոսնուցման համակարգը։

Նախագծի շրջանակներում մոնտաժվել է ավելի քան 800 աշխատատեղի թե տեղեկատվական, թե էլեկտրոսնուցման վարդակների խմբերը:

Տվյալ համակարգը ամբողջությամբ տեստավորվել է, սերտիֆիկացվել է և համակարգի համար տրամադրվել է համապատասխան 25 տարվա շահագործման երաշխիք:

Children of Armenia հիմնադրամի նախագծերից մեկի շրջանակներում իրականացվել են Լոռու մարզում գտնվող ուսումնական կենտրոնի կոնֆերանս դահլիճների միջոցառումների իրականացման համալիրի մալուխային համակարգի նախագծում և կառուցում: Մասնավորապես, նախագծի շրջանակներում իրականացվել է տեղեկատվական և հեռախոսային ցանցերի կառուցում, հակահրդեհային ազդանշանային համակարգի տեղադրում, ընդհանուր ձայնային ֆոնային երաժշտության և հայտարարությունների համար նախատեսված ձայնային համակարգի տեղադրում, տեսահսկման համակարգի տեղադրում, իրականացվել է լիարժեք սերվերային սենյակի տեղադրում, աշխատանքային սենյակները և ստուդիաները համալրվել են առանձնացված ձայնային համակարգերով, որը թույլ է տալիս կենտրոնի ցանկացած տեղում միացնել լարային և հեռավար բարձրախոսներ:

Իրականացվել է մուտքի ելքի վերահսկման համակարգի տեղադրում:

Իրականացվել է ամբողջ տարածքի անլար ինտերնետի հասանելիության համակարգի տեղադրում, ինչպես սենյակներում և դահլիճներում, այնպես էլ հարակից բացօդյա տարածքներում:

Իրականացվել է օպտիկամանրաթելային մագիստրալային միացումներ ընդհանուր համալիրի տարբեր շինությունների և օժանդակ ինժիներական ենթակառուցվածքների ուղղությամբ:

Բոլոր համակարգերը, որոնք տեղադրվել են նշված կոնֆերենս կենտրոնում, նաև համատեղվել են գոյություն ունեցող անվտանգության, անլար հասանելիության և կապի այլ ենթակառուցվածքների հետ:

Նախագիծը իրականացվել է եվրոպական և համաշխարհային ճանաչում ունեցող խոշորագույն արտադրողների կողմից արտադրված նյութերով:

Բոլոր համակարգերի մոնտաժը իրականացվել է միջազգային ստանդարտներին համապատասխան, տեղեկատվական համակարգը տեստավորվել է, սերտիֆիկացվել է և տրամադրվել է համապատասխան 25 տարվա շահագործման երաշխիք:

Ճանաչվելով մրցույթի հաղթող մեր ընկերության կողմից իրականացվեց տվյալների մշակման կենտրոնի ընդհանուր կազմավորման հայեցակարգը: Իրականացվել է օբյեկտի եռաչափ նախագծում՝ բոլոր ենթակառուցվածքների եռաչափ նախագիծ, որի շրջանակներում նախատեսվել է ընդհանուր շենքի շինության վերանորոգման աշխատանքները: Նրա շրջանակներում իրականացվել է հակաստատիկ հատակի կազմակերպում չվառվող նյութերով, պատերի և առաստաղի մշակում համապատասխան պահանջներին: Նախատեսված է միջնորմային պատի կառուցում, որտեղ տեղադրվել է հրակայուն դուռ: Համապատասխան տարածքը զինվել է անհրաժեշտ արտաքին մոդուլներ պարունակող միջհարկային հովացման համակարգով: Տեղադրվել են 80 կիլովատ հզորության N+2N համակարգված պահուստային էլեկտրասնուցման սխեմայով միացված և անխափան սնուցման սարքեր իրենց մարտկոցային պահարաններով: Տեղադրվել է ընդհանուր առմամբ 8 սերվերային պահարան: Կազմակերպվել է տաք և սառը միջանցքներ: Հովացման համակարգի ռեզերվացման աստիճանը նախատեսվել է 2N: Տվյալների մշակման կենտրոնը համալրվել է բազային հրդեհաշիջման համակարգով: Տեղադրվել է տեխնիկական պահանջներին համապատասխան տեսահսկման համակարգ, հակահրդեհային առանձին անկախ համակարգ, մուտքի ելքի վերահսկողության բիոմետրիկ համակարգ, տեղադրվել է պերիմետրի պահպանության համակարգ: Իրականացվել է ամբողջ տարածքի հեղանցման աշխատանքը: 4 հիմնական ենթակառուցվածքների բաժանված մալուխատար և խողովակատար համակարգ է մոնտաժվել: Տեղադրվել է համակցված մի պատուհանի սկզբունքով աշխատող մոնիտորինգի համակարգ, որը վերահսկում է տվյալների մշակման կենտրոնի ջերմային, խոնավության, էլեկտրասնուցման և մնացած ռեժիմները, որոնք անհրաժեշտ են նշված կենտրոնի անխափան աշխատանքը ապահովելու համար: Tier 3 մակարդակի միջազգային սերտիֆիկացման չափանիշին համապատասխան՝ ըստ մուտքային տվյալների տրամադրվել է 2 անկախ սնուցման գիծ: Իրականացվել է պահարանների փոխկապակցում օպտիկա մանրաթելային և պղնձե լարանցումներով: Յյուրաքանչյուր պահարանը համալրվել է էլեկտրական բաժանարար կառավարվող վահանակներով՝ ապահովելով 2N միացման սկզբունքը յուրաքանչյուր պահարանում տեղադրվող տեխնիկայի միավորների համար:

Պատվիրատույի կողմից տրամադրված տեխնիկական հանձնարարության շրջանակներում մշակվել է նախագիծ, որի շրջանակներում իրականացվել է միաժամանակ մի քանի տեսակի ենթակառուցվածքների հկառուցում: Մասնավորապես, իրականացվել է ուսումնական կենտրոնի կառուցում: Բոլոր սեղաններին մոտեցվել է 5UTP տեսակի 1 գիգաբիտ թողունակությամբ մալուխային համակարգ, տեղադրվել է կոմուտացիոն հանգույց: Նշված տարածքում իրականացվել է ամբողջ էլեկտրոսնուցման մոնտաժային աշխատանքները: Մշակվել է կահույքի և աշխատատեղերի էրգոնոմիկ հայեցակարգ, որով պատրաստվել են համապատասխան աշխատատեղերի սեղանները՝ հաշվի առնելով պատվիրատույի գործունեության յուրահատկությունը:

Տեղադրվել է աշխատանքային լուսավորություն:

Նույն նախագծի շրջանակներում առանձին շինության սահմաններում իրականացվել է փոքրիկ տվյալների մշակման կենտրոնի կառուցում, որը համապատասխանում է բոլոր միջազգային նորմերին:

Բոլոր սենյակներում, սրահներում, դահլիճներում, ինչպես նաև միջանցքային գոտիներում իրականացվել է տեղեկատվական, հեռախոսային, Wi-Fi, տեսահսկման, հակահրդեհային և պերիմետրի անվտանգության համակարգերի տեղադրում, մուտքի ելքի համակարգ:

Շինության հողանցումային և էլեկտրասնուցման բոլոր աշխատանքները իրականացվել են մեր ընկերության կողմից:

Բոլոր համակարգերը համապատասխանում են միջազգային ստանդարտներին, սերտիֆիկացված են, և տեղեկատվական համակարգերի համար տրամադրվել է 25 տարվա երաշխիք: